凌晨2時@哲家
隨著鑰匙開門的聲音，家嵐放輕腳步聲以免吵醒任何人。
她攝手攝腳的回到房間裡，並為成功安全到達舒一口氣。
躺在自己的小床上，以冷靜著名的腦袋再次浮出一個身影。
言為信的臉、他的笑、他的一字一句。他的愛。
-----
Vincent：點算呀？妳未上樓我已經掛住妳喇...
家嵐：言為信~！你真係... 好誇張好肉麻呀！
由琴日到而家你都已經對住我超過24小時喇~ 仲未夠？
Vincent：但係我發夢都想見到妳拖住妳攬實妳呀...
家嵐：（面紅）... 我好眼訓喇~ 你放過我好冇？
Vincent：（扁嘴）唔...
家嵐：（無奈的笑）乖喇~ 最多... 我今晚會盡量入你個夢度搵你？
Vincent：（高興得像小孩子）拿我約定妳架喇~！今晚夢裡面見！
-----
黃家嵐帶著甜笑進入夢鄉。
早上9時，迷矇中嗅到早點香味的家嵐，睡意都被餓蟲擊得節節敗退。
她立刻醒來並迅速的打開房門。
哲：媽？妳幾時返黎架？！
家嵐：（點點哲的鼻子）你訓緊覺既時候囉~！
（笑）我去刷牙先，一陣再講。
站在原地的哲先是呆了一呆，然後笑了。
其實他和掌門人前晚已經接獲本少的來電向他們作初步的解釋，
得悉家嵐需要些時間和Vincent一起解決他們的問題。
現在看到心情那麼好的媽媽，哲明白一切已經回復正常。
噢不！ 該是比從前更好了。
恆：（看到家嵐從浴室出來）妳個阿花呀... 終於捨得返屋企喇咩~？
家嵐：（飛撲上前橋著恆撒嬌）掌門人早晨~
恆：賣口乖~！呢兩日去左邊度呀？
家嵐：冇呀...（越說越隱藏不了笑意）同Vincent一齊咋嘛...
恆：哦~！原來係俾大頭仔拐左去！唔怪得知連電話都冇個返黎喇...
家嵐：對唔住呀掌門人...
哲：（笑）麻麻呀~ 你唔好再嚇阿媽喇~
恆：咁係呀嘛！之前同大頭仔出左事又唔同我講！
好彩前晚阿本已經打過黎同我交代一聲咋！
家嵐：你地... 已經知道哂喇？
對唔住呀我唔識點講俾你地聽，要你地擔心我。
不過放心喇~ 而家冇事架喇！
恆：傻女... 第時有D咩唔開心記住要講出黎呀！我地一家人黎架嘛！
有咩事都可以一齊商量一齊搵辦法解決！
家嵐：（感動）我知架喇掌門人！
恆：不過阿本唔講，我都諗唔到妳會鑽牛角尖鑽到咁入仲咁對大頭仔...
家嵐：嗯。不過我相信...（再次笑了）唔會再有問題架喇...
哲：咦阿媽妳咁肯定，莫非妳同Vincent...（用手做出結婚的手語）
家嵐：（面紅）唔係呀！
恆：（聽不入耳）結婚呀好呀！呵呵~
咁我地同言大哥佢地隨時都可以食餐真真正正既團年飯喇！
家嵐：（驚慌）掌門人你講左去邊呀？！
哲：（興奮）係呀麻麻！話唔定我好快會有多個細佬或者細妹添呀！
恆：我可以幫手揍喎~ 最好呢就生兩個一仔一女...
家嵐已經被嚇得無言，無奈的用最快速度閃回房間裡去，
以逃過哲和掌門人有完沒完的喃喃幻想。
很餓呢。Perfect timing下，收到他的sms。
Vincent：黃家嵐妳冇口齒呀！又話黎我個dream到搵我既？！
結果我都見妳唔到反而夢到dad係度逼婚！！！
我唔理呀！妳10分鐘後一定要落黎陪我去breakfast！！！
家嵐讀完這個孩子氣的message，既沒氣但又很心甜，
輕輕對著sms說了兩個字才慢慢更換衣服。
家嵐：傻佬~！（甜笑）
Chapter 32 - A Steel Gate
享用過豐富的早餐後，Vincent牽著家嵐的手，打算一起步行回到掌門人住處。
Bro是已經替他倆約略給掌門人解釋了，餘下的也應該由自己負責吧。
家嵐邊走邊抱怨說一起床就被兩麻孫合力虧損的事，
還有他們長篇大論的幻想，笑得Vincent合不攏嘴。
You played with my heart
You played with my mind
But I miss you finally...
Vincent手機響起。
Vincent：Hello？
Helena：細言生。大言生落左機返緊黎公司，佢話想見你。
Vincent：... OK... 我而家即刻返公司，大言生到左麻煩你再call我。
Helena：知道。（收線）
家嵐：大言生返左黎？
Vincent：嗯~ Dad仲想而家見我添。
家嵐：咁你仲唔走？
Vincent：都差唔多到掌門人度喇，送埋妳返去先喇！
家嵐：你唔驚遲到俾人鬧呀？
Vincent：我比較驚... 我一陣會太miss黃家嵐而做唔到野喎~
家嵐：（甜）好~ 凍~ 呀~！
Vincent：請妳食個暖柑呀！（雙手輕摸著家嵐的兩邊臉）
家嵐：細言生你揩夠油未呢~？
Vincent：油就揩夠喇~ 不過未抽夠水！（笑）
家嵐：（笑）傻佬...好喇我自己返上去得喇~
你快D返去喇！唔好太過miss我喇~！
Vincent：好難架喎...除非妳俾D鼓勵甜頭我先喇~
家嵐沒好氣的踮高腳輕吻了他的臉頰，Vincent笑得可高興。
迅速的在家嵐唇上啄了啄，拋下一句： 回禮呀~ 就跑開了。
家嵐看著他的背影在轉角消失，也臉帶幸福微笑的轉身走進大堂。
豈料，在家門前原來有一位客人已在此久候。
家嵐：（驚訝）... 大... 大言生？
Chapter 33 - Question，Once Again
青B：黃家嵐。
家嵐：大言生你搵我？
青B：（點頭）我地入去再講。
對於大言生上門找她的原因，家嵐已經略抱頭緒。
Vincent應該是被大言生故意叫走的。
該知道的，終究會知道；須面對的，始終要面對。
面前的老人，是養育言為信的人，是Vincent最尊重和敬畏的人，是她深愛的人的父親。
言英明絕對可以而且有權利知道一切。
家嵐打開大門，讓大言生跟阿哲掌門人打過招呼，便領他到自己房間。
青B：黃家嵐。我記得一年前我都曾經黎呢度搵過妳。
家嵐默不作聲，只是虛弱的笑了一笑。
青B：係我唔係香港既期間，妳同Vincent好似... 分開左？
家嵐：... 我係曾經鑽左入牛角尖。但係我地已經冇事係返埋一齊。
青B：（不屑）你地D後生話分手就分手，話好返就好返！
有第一次就可以有第二次第三次！ 我點可能有信心俾Vincent同妳繼續一齊？！
家嵐：（誠懇）大言生，我希望... 你可以俾多一次機會我，俾多一次機會我地去相愛。
青B：... 同一個問題，妳答多我一次。
假如有一日，有個賊脅持住Vincent同阿哲，要妳去揀殺死其中一個，妳會點樣選擇？
又是這一條問題。
曾經，它出自Vincent媽媽慧芳的口中，考起了大言生；
曾經，它成為過家嵐的困擾，叫她啞口無言；
曾經，它讓Vincent有個機會來證明對家嵐的愛。
現在，這個問題，再次回到家嵐手上。
家嵐：我.............................
青B：同上次一樣... 答唔到？（家嵐輕輕搖頭）哦？
家嵐：我會...放阿哲走。
Chapter 34 - Final Answer
青B：（激動）咩話？！黃家嵐妳由得Vinc...
家嵐：我未講完架大言生！
青B：（憤怒）仲有D咩好講呀？！
家嵐：我會要求先俾阿哲走。之後...
（微笑但認真）如果幸運既話，我同Vincent當然都會冇事。
唔好彩既，（非常堅定）我好樂意，代Vincent死。
大言生呆住了。
這是個甚麼樣的答案呀？！
她說要先保著哲的性命，代表Vincent失去那個機會時，大言生沒錯是很生氣 -
妳的兒子可以生存，難度我的兒子就要受死嗎？
但是當家嵐說自己會留下來救Vincent、無論生或死都不會放棄Vincent時，
言英明的怒火都被完全熄滅了。
漸漸取以代之的，是感動、是安慰、還有對眼前這個兒子的最愛的憐惜。
青B：哈哈哈哈哈.....！黃家嵐，妳真係...好聰明。但係咁值得咩？
家嵐：可以為保護愛既人而死，係一種幸福！呢樣野，係Vincent教識我架。
眾所周知，言英明先生極之迷信。
他不曾嘗試過，這樣質疑龍在天所算出來的千世姻緣。
但現在他知道了，站在自己面前的人兒很愛自己的小兒子，正如同Vincent愛她一般。
也因為迷信，他再也不能硬著心腸，破壞這對「命中注定相愛相守」的戀人。
家嵐：大言生，我唔可以同你講Vincent獨佔我心裡面既第一位。
但係我可以好肯定，我絕對唔能夠失去Vincent。
青B：（微笑） 可能...我永遠都冇可能完全明白...點解個傻仔會對妳咁死心塌地。
但係我亦都可以好肯定同妳講，如果有一日黃家嵐真係俾人殺死左，言為信都唔會想繼續生存落去！
妳唔能夠失去Vincent，Vincent亦唔可以失去妳。
（認真） 黃家嵐，好好珍惜呢個機會。
Vincent佢... 就拜託哂你喇。
家嵐：（感激而眼濕濕）多謝你，大言生。
就在這個時候，房門被大力打開了。
Vincent：家嵐！！！
家嵐：Vincent？！你做乜...
Vincent：（緊張）妳冇事呀嘛？（家嵐搖頭）Dad！你做乜呃我返公司然後自己黎搵家嵐呀？！
青B：（不悅）邊個話你聽我係度架？
恆：係我打俾Vincent既。
青B：唉... 小恆你...
Vincent：Dad我知道你已經知道哂發生過乜野事！你有咩要鬧既就鬧我喇！ 千奇唔好鬧家嵐！
青B：乜係你心目中你阿爸我淨係識鬧人架咋咩？！
家嵐：Vincent呀！大言生冇鬧我呀~！
Vincent：咁......
青B：你呢個傻仔... 我同你文uncle一落機，黃國立就即刻黎同我講話咩你同家嵐分左手跟住同Doris拍拖！
又話咩係佢衰唔識教個妹... （Vincent心裡怒嚎：黃國立你同我睇住黎！！！）
咁我咪走左去搵Doris問囉！聽完個故事就過黎問下家嵐係咪冇哂事咋嘛！
你仲好講？！你記唔記自己應承左裘俊Diana D乜呀？我諗住叫你親自返公司同老文講聲咋！
Vincent：o... sorry dad...
青B：我都冇你呢個仔咁好氣呀，走先喇！（走到門前）家嵐，記住妳俾我既答案！（離開）
為了給Vincent家嵐留個二人世界，掌門人和哲識趣地各自外出尋樂子。
Vincent頓時鬆了一口氣，把剛關好門的家嵐扯到自己的懷裡去。
Vincent：頭先收到掌門人電話真係嚇死我... 我幾驚Dad會為難妳呀！
家嵐：（甜笑，也緊緊擁著Vincent）冇事喇傻佬~
坐在沙發上，Vincent把唇貼在在家嵐的額頭，兩人享受了一會兒寧靜安心的時光。
突然Vincent醒起...
Vincent：係呢~（好奇）頭先妳... 俾左個咩答案dad呀？
家嵐沒有想過要和盤托出。
她不喜歡那種假設性問題，假設性的答案和承諾。
世界上哪有這麼多如果？
若果真的有如果，那麼就來個角色調換，讓她下輩子當他的專屬天使吧。
所以家嵐沒有答話，只是繼續窩在Vincent的懷抱裡，裝睡。
看著這隻睡得香甜的小貓咪，Vincent醒悟：甚麼答案都不再重要了。
自己想要的，只是妳黃家嵐而已。
Vincent：（非常細聲）爛訓豬，我愛妳呀。
而低頭裝睡，裝得真的漸漸進入夢鄉的家嵐，臉上正掛著一副甜得不得了的微笑。
Chapter 35 – Father and Son
言英明獨自登上了那銀白色的座駕，便著司機阿劉送他回家。
車外風景不斷，但他的心思從來不在視覺享受。
腦海裡，還是兒子和家嵐給予的答案。
Vincent：我唔會俾佢揀。我唔會俾自己最深愛既人，做個咁痛苦既決擇。
我會自己企出黎，俾個賊殺死我。
家嵐：可以為保護愛既人而死，係一種幸福！
Vincent的不加思索，黃家嵐的義無反顧。
這個出自自己口中三次的問題，自己到現在還未能解答的問題。
不要緊了。現在就算自己想得出最好答案也再沒有任何意義了。
這個時候，有甚麼比一家人齊整同心和兩個兒子的幸福更重要？
想起剛才Vincent對著家嵐那個緊張得快要把門撞爛的樣子，大言生不禁搖頭笑了。
阿劉：咦老爺！果邊果個咪係... 大少爺？
的確是為本。
可是那個站在他身邊的女孩是誰？
只見到那個女孩子捧著一束有紅白二色的鬱金香，
面帶著羞澀和純真的笑容向為本道別，然後小跑步返回大廈。
而為本一直看著那個大廈的門口，笑容從未在臉上消失過。
一副與Vincent望著家嵐時毫無分別的樣子。
哦？難道...？
青B：（弄下車窗大叫）本！
本少聽到這把幾乎天天都聽得見的熟悉嗓音和咬字特色，
弧度褪去，臉上流出一絲緊張惶恐。
本：老豆... 返左黎喇？（服從大言生的示意而坐進車廂）
青B：頭先果個女仔...
本：（連忙搶答）普通朋友黎架。
青B：（心裡好笑）你咁緊張做乜？（見本不知道該給什麼反應的樣子）佢叫咩名呀？
本：（不自覺的微笑）程小雪。
青B：幾好幾好。個名好襯佢呢個後生女。
不過...（弄得本更緊張了）言程小雪【言情小說】好似更有意思。
本：啊？
青B：你鐘意佢呀嘛~！
本：老豆... 你唔介意？
青B：介意D咩呀？想追人果個又唔係我！
本：我仲以為你會好似對家嵐咁要誅多試驗同批判佢...
青B：就算我做老豆既幾唔鐘意，乜你覺得你會聽我話唔鐘意佢咩~？
初初我唔想Vincent同家嵐一齊，但係佢地兩個之間既愛感動左我，
再者，做左三十幾年老豆，我從來未見過Vincent笑得咁開心過；
老文百般抯撓，最後Diana寧願失去文家子孫既名位都要同裘俊一齊；
Queenie為左武紀勇，甚至同老文鬧到差D要斷絕父女關係。
（望著兒子） 你，都會同佢地一樣。
本：（輕輕點頭）對唔住呀老豆。
青B：（笑）傻仔。你都冇做錯事。
你都唔細架喇！ 係時候拖佢返黎斟杯新抱茶俾我喇！
本：嘩老豆你都扯到好遠姐~ 我連人地男朋友都未係呀！
青B：（驚訝）下？！咁你又送花俾人？！
本：我前幾日先識佢架咋，果日佢整親係我幫佢包札同送佢返屋企既。
咁今日我咪以醫生既身份拎紮花去探病囉。
青B：（勞氣）本呀，動作快少少喇！
同佢講句 – 鵝跟身唯一上腰理。係女仔都lum喇~
當年我都係咁樣向你阿媽求婚架咋！你咁慢吞吞，俾人爭左果時唔好返黎喊呀！
本：（勁截住爸爸的長氣）哦係喇老豆我知架喇！阿劉，快D開車返屋企喇！！！
看到為本低頭傻笑的樣子，言英明的心情不禁也快活開朗起來。
寶貝兒子們真的長大了。
為信已經摟緊了幸福並不打算再放開；為本亦正在為抓住自己的幸福而作出努力。
言英明在想，自己還欠甚麼未得到嗎？
啊！ 兩杯媳婦茶！ 但也該不遠矣。
當然最好，有薑醋作為甜品呢。
Chapter 36 - The Evolution of Chun
Diana：做乜今日冇喇喇帶我黎呢一度既？
俊只微笑而不答，並再次把視線望向大海。
這個獨一無二的地方，是那個他倆一吻定情的碼頭。
公主望著這個站在自己跟前的俊，感覺到從他身上發出來的凝重氣息。
平日屬於他的Lost 24不是能平靜自己的心嗎？
為何今天，會弄得自己更加紊亂緊張？
Diana：（輕輕的叫）俊，係咪發生左D乜事？
俊終於轉過身來與公主面對面。
這個比自己嬌小得多卻在別人面前永遠裝強人的公主，眼神正透露著擔憂。
俊：Diana，究竟...我要有D咩身份地位，先有資格叫文家認同我？
Diana：你做咩無喇喇咁問...
俊：我唔可以要妳成世都係佢地輕視既目光底下同我係埋一齊架...
Diana：（激動）俊呀！我真係唔介意！
俊：（微笑）殊~ 冷靜D先呀~ 我知道，我知道妳唔介意。
但係我好想...好想王室會認同我既能力，放心將公主交俾我。
Diana：裘俊你真係...好傻呀...
其實連我都唔知道...姑媽佢地用咩標準去睇...
俊：... 咁... 妳覺得... 作為言氏海外分公司既CEO，可唔可以向文家提親呢？
第一秒，呆。
第二秒，碌大雙眼。
第三秒，感動得口窒窒。
Diana：你... CEO個位... Vincent同大言生佢地......
俊耐心地把午飯時間發生的故事告訴公主。
-----
俊：Vincent。咦企問妳都係度呀？
家嵐：我都係落番去先喇~
Vincent：（拉著家嵐的手）唔得~ 妳應承左今個lunchtime陪我架喎！
家嵐：你同裘俊傾完正經野再落黎搵我咪一樣~
Vincent：NoNoNo！（直接把家嵐摟過來坐在自己的大腿上）
家嵐：（臉都紅透了）言為信呀...
俊：（非常尷尬的笑）企問妳都係... 唔好反抗好D喇~ Vincent你係咪搵我有事？
Vincent：（面帶笑容點頭）Yes，請坐。阿俊你記唔記得你做左我助手幾耐呀？
俊：唔... 就黎兩年喇。
Vincent：Diana將你由一塊鈍石打磨成形果十年，加上呢兩年既開光，
原來我地足足用左十二年既時間去磨出一把忠誠利劍！
俊：Vincent我唔係好明你講緊D咩...
Vincent：（遞上一份文件夾）我講緊... 呢樣野。
俊疑惑地把文件夾打開，他驚訝的發現那是一份合同、一份「賣身契」。
正確點說，給予言氏瑞士分公司總裁的契約。
而分公司總裁那一欄上，寫上了的，竟然是裘俊 - 自己的名字！
俊：Vincent... 我... 唔得架...
家嵐：裘俊~ 你點可以對自己咁冇信心架？
Vincent：係咯俊呀~ 我唔會睇錯人架！Dad同徐uncle，仲有其他果兩位董事都已經投左支持票喇。
俊：（些許頹然）文生佢... 反對？
Vincent：Not at all... 文uncle因為你係Diana男朋友，為免唔公平，所以棄權。
而家張contract就只爭你個簽名喇~（只見俊遲疑不決）俊，其實你仲有D咩要考慮？
俊：瑞士分公司... 咁... 即係要長期逗留係果邊？
Vinecnt：oh i see！原來你諗緊呢樣野！放心喇我已經幫你安排好哂架喇~
你唔需要成日係果邊架，只需要遙遠控制你下面果班人，間唔中飛過去check下巡視下就得架喇~
俊：Vincent... 我...（還是沒有信心的搖搖頭）
家嵐：（不慍不火）Diana佢... 應該等左呢個機會好耐架喇。
啊！
一直高高在上住在城堡裡的公主，
的確正在等那個又笨又鈍卻永遠愛惜她的那個王子，
穿越一切障礙，來到她的跟前，牽起她的小手走向幸福！
想到那個早已是自己生命的身影，俊頓時變了另一個人似的 -
眼神信心十足，但不失溫柔，穩穩的拿起筆堅決地簽上了自己的名字。
看到俊終於被說服接受，Vincent高興得吻了吻家嵐的臉頰：抵錫~！
接下來的整個lunchtime，家嵐完全對Vincent不理不睬以作懲罰。
而俊早就逃開了以免他們會傷及無辜，還有，要停一停想一想自己接下來該怎樣做。
-----
Diana：（擺出一本正經的樣子）俊王子，恭喜你。
俊：（笑）多謝。安娜公主，我可唔可以問多妳一個問題？
Diana：俊王子請。
俊：（拿出早就準備好的戒指）唔知道... 安娜公主，可唔可以俾我幫妳戴上呢隻戒指？
Diana：（愕然）... 呢隻係... BB熊鑽戒...
俊：（單膝跪了下來）Diana，我唔知妳認唔認同，但係我真係覺得裘俊佢真係好好彩。
因為佢得到公主既愛。就算佢係一隻幾善良幾天真既BB熊都好，因為有公主既愛，佢都會係一隻BB熊入面既王子！
Diana：俊...
俊：戒指既橫切面係圓形既，代表住「沒有結束既永恆」。
而每個人既左手無名指都有一條好纖幼既血管直接通去心臟；
當相愛既一對為對方既無名指套上戒指，就代表住兩個人心心相印，一生相愛。
我好希望我可以成為妳永遠既BB熊王子，希望係以後既日子可以好似一隻公仔咁樣陪妳笑陪妳喊，
俾妳拳打腳踢都毫無怨言；同時我會用盡我既力量去保護我最愛既公主！
Diana，妳願唔願意，戴上呢一隻戒指，俾呢隻BB熊永遠住係妳個心入面？
看著俊最深情最誠懇的目光，Diana發現自己根本沒有能力沒有力量當然亦沒有心思去拒絕。
驚喜感動得雙眼被淚水滿佈的她，輕輕但堅定的，點了點頭。
俊興奮得馬上接過了她的左手，小心奕奕的把戒指套進了公主的無名指，直至戒指到達根部。
Diana感覺到，戒指上的BB熊鑽石仿佛活了過來，隨著那根細微的血管，崩崩跳跳的走進了自己的心房。
俊用自己的大手溫柔的把公主臉蛋上的淚珠都抹走，把她按入自己的懷裡，
用力嗅著此刻王子身上的Lost 24，聽著他在自己耳邊說的，公主既安心又甜蜜的笑了。
俊：多謝妳，我既BB熊公主。
沒有留言:
張貼留言