Chapter 11 - The Cute Valentine of Diana
看了看手錶，發現又到了放工時份。裘俊伸了個懶腰。
身為言氏總裁的特別行政助理，在總裁請假的日子，
裘俊被授予全權代表Vincent，出席所有會議和重要場合，就儼如真正的CEO。
但其實他的心裡，卻是無奈得很。
俊：（心裡哀嚎）做埋同一間公司，竟然除左開會既時候，可以一個禮拜完全冇見過diana！！！
勇少就表面上成日俾祖與占借左過去，實際上就同佢個毒女係果邊談情說愛！
（扁嘴）唉好掛住公主...
突然，腦袋浮現了高跟鞋發出的咯咯響聲，還有channel 1/2的香味...
俊：唔係呱？ 諗公主諗得太西利而出現幻覺？
Diana： 喂... 喂~！
俊：（醒過來）咦？！Diana~！（彈了起來）做乜無喇喇上黎既？
Diana：咁唔想見到我呀？咁我走先囉！
俊：（急忙拉著她的手）唔係呀！我岩岩仲諗緊幾時先可以見到妳...
（見到公主微微的甜笑）我咁問都係想睇下我有咩可以幫到妳姐。
Diana：我上黎呢係想同果個發緊夢既傻佬講，岩岩本少約左我一陣去食dinner。
俊：（由笑容滿面變得失望）哦。（小聲）咁我點算？
Diana：不過... 本少話，要我拖埋個傻佬去。
裘俊失望的臉又亮了起來，公主無奈的笑了。
Diana：咁你行得未呀？
俊：爭少少野就行得。
Diana：爭左D咩？
俊：（二話不說，牽起了公主的手）本少叫妳拖埋我去呀嘛！
Diana：（甜笑）行喇傻佬。
Chapter 12 - Dream a little dream of yours
日本潮那邊的總編跳糟過檔，以致軍心大亂。
家嵐用盡了每一分每一秒去與幾位現任主編和其他編輯們面談，
終於內部躍升了一個年輕充滿幹勁有目標的女編輯，
重新調配過職權，招攬新班底，讓潮能有個新面目新開始。
對家嵐來說，這次的日本工幹是一場煎熬。
忙碌的會議的確讓家嵐耗盡全身的精力，卻在無形中讓她更常墮進回憶的黑洞中。
-----
Vincent：（摟著家嵐） 今日好累呀？
家嵐：嗯~ 施生ban完一條又一條，搞左成個下晝。
好彩勇少最後度到個搞笑得黎又宣傳到個product既橋咋~
如果唔係我估而家仲開緊會...（一副累壞了的樣子）
Vincent：（鄒起眉頭）咁不如我而家車妳返屋企休息喇好冇？
家嵐：唔好~ 你俾我攤多陣先郁喇~（繼續埋頭往Vincent懷裡鑽）
Vincent：傻豬。（嘴唇貼著家嵐的額頭，吹氣）
-----
家嵐：呢盒朱古力係田長老去瑞士探妹買返黎做手信架~ 掌門人交帶落叫我拎俾你~
Vincent：Oh thank you（笑）一陣打去多謝佢地先~
家嵐：入面有款朱古力有士多啤利粒粒架~（天真的笑容）好正架！
Vincent：（已經拆開）邊隻呀？
家嵐：呢粒咪係囉~（送到Vincent的唇前，卻在最後一秒縮回放到自己口中）
唔~~（享受）好味~~！（舔舔嘴唇）
Vincent馬上把另一顆同款的巧克力含在嘴巴裡，然後向家嵐吻去。
兩人的雙唇纏疊著，舌尖互相交換著巧克力的滑、草苺的甜。
Vincent：the most delicious chocolate in the world~！
家嵐：（面紅耳赤）言為信！！！
-----
現在的回想，把家嵐心頭上的五味架打翻了。
甜、酸、苦、辣、鹹。
若果陸堅曾是她心裡最苦的一部份；
那麼Vincent會是她最甜蜜的部份嗎？
鑽進牛角尖前，或許她會毫不考慮的點點頭。
現在，仍是嗎？
家嵐突然醒起，在巧克力事件後，
Vincent曾經像小孩子般問過自己：喜歡那款巧克力，還是喜歡那個他送她的熱吻？
那時她只賞了Vincent一拳就笑著離開。
這刻家嵐再次問自己同一個問題。
她驚訝的發現，原來只要用她的眼淚從眼框流到下巴的時間，就可以作出選擇。
快得讓人後悔、讓人疼心。
可是，已經沒有機會告訴他自己的答案。
不知道這幾天... 他... 還好嗎？
Chapter 13 - All I haVe to do is dream
攤睡在大床上，Vincent並沒有睡著。
明早是假期以後的第一天上班，可是他毫無睡意。
看著空無一物的天花板，他的眼睛像是投影器一般，影射著一幕又一幕他永遠不能忘懷的場面。
-----
Vincent：Miss Wong perfect timing！我岩岩落機妳就打黎囉喎~
家嵐：嗯~ 我... 我好掛住你呀...
Vincent：（心甜得不得了）嘩...
家嵐：咁你呢？
Vincent：唔... 本來就好掛住既，不過而家唔得閒掛lu~
家嵐：哦！你掛住第二個！我唔睬你呀！！！
Vincent：hang on hang on！我而家要專心飛車過黎妳度呀！（笑）再miss you我驚妳會見我唔到囉！
家嵐：言為信你可唔可以唔好講埋D咁既野嚇我呀！我真係會驚架！！！
Vincent：（內疚但非常高興家嵐的緊張）sorry呀... 我過緊黎架喇！妳等我一陣呀！
家嵐：嗯！小心揸車，我等你。
-----
家嵐：返到屋企記得打俾我呀~
Vincent：啊！不如咁，妳跟埋我返去，咁我又唔駛驚唔記得打俾妳，
妳又唔駛心掛掛miss我... （把家嵐輕輕摟著）
家嵐：你就想呀~！
Vincent：哦我梗係想架！人地都唔知幾恨同妳一齊訓覺~
家嵐：你咪亂黎呀...
Vincent：我話想攬住妳訓覺咋喎~ （曖昧的奸笑）妳諗左去邊樹呢~？
家嵐：（害羞，狂搥Vincent心口）言為信你衰人黎架！
Vincent：（把懷裡的小貓咪摟得更緊）好喇妳~ 想謀殺親夫呀？！
家嵐鼓著嘴巴，很認真的點點頭。
Vincent忍著笑意的多問一句：are you sure？
不解的點點頭，直到看見眼前的男人笑了出聲。
家嵐：（呆了呆，終於意識到自己中計）啊！你又玩我？！正衰...
唇舌邊向家嵐的香唇進攻，
Vincent心裡邊想，不封住妳的嘴讓妳繼續罵下去的必定是笨蛋。
-----
為甚麼快樂的時光總是這麼短暫？
當了二十年的隱形人，才等到這半年的彩色時光；
好不容易才進入了家嵐的心裡，現在卻要被打回原形。
痛楚刺激著Vincent的心臟，狠狠地提醒了他，他不僅要被降職變回隱形人，
那一句討厭，恐怕也代表了自己會永遠從Vip-list上消失。
老婆？ 叫不成了；情人？ 不再是了；朋友？ 也沒有了。
既然已經不能更壞了，那他還要想什麼？ Vincent總算想到該暫時怎樣面對。
二十年來隱形人的出現，是為了讓家嵐心想事成；
那麼現在，也不會例外，即使她不會再理會自己。
能夠一直默默守護著家嵐，或許已是自己最多的幸運，最大的幸福。
Chapter 14 - The Conference after Our War
兩個傻瓜再次碰見對方的時後，已是那天以後一星期的事。
大言生召開例會討論形和祖與占的近況及未來計劃，所有持有股份者均須出席。
匯報和不同的議題不斷，家嵐還是有一直偷偷留意著坐對面的Vincent。
仍然是最常見的西裝領tie，卻不知怎地，外套好像買大了好幾個碼似的，肩擔位也沒有被膊頭撐得像以前那麼橫；
仍然常常保持有禮貌的微笑，卻不再是自己最熟悉、最愛看的弧度，是一種讓人有距離感的職業微笑。
家嵐苦笑，自己在幹甚麼呢？ 說甚麼自己最愛看的？！
難道親手毀滅太陽的人，能有資格埋怨世界的黑暗和冰冷嗎？
很冷。真的很冷。
是會議室的冷氣太強，還是心底的冰寒氣氛所故？
家嵐隨即拉緊大衣，擦擦自己的雙手來生暖。
可是這些細微的動作，還是讓對面的人留意到了。
Vincent：Excuse me咁多位。Dad可以請Helena較細D個冷氣？呢度好凍。
青B：唔。Helena。
Helena：係，大言生。
Vincent一向都不怕冷，這點家嵐很清楚。
那麼，他這次又是為了自己的緣故嗎？
家嵐咬著下唇，陷入沉思。
而Vincent除了剛才那一下子，期餘的時期均花光全身的力氣要自己集中精神開會。
他並不知道家嵐一直在偷偷打量自己。
正確來說，Vincent根本不敢讓自己去直視家嵐。
他不希望惹起任何尷尬，不希望再令她更反感，更不希望自己會衝過去摟著她。
既然說好了要變回隱形人，就必須隱形得徹底。
但是，要是可以的話，Vincent真想把家嵐的一舉手一投足都給烙到自己心上去，
讓她一直灼燒著自己的心臟，當一道永遠不會瘉合的傷口。
每當想起她，就會讓他鮮血直流，又痛又甜，讓自己一分鐘一輩子也不能忘了她。
雖然不能一起走過往後的每段路，但他可以，并願意花一生的時間，
去守護這個深愛的身影，去愛那道只屬於她的傷口。
兩人極度抑壓的情緒和反應，全部都看在裘俊文安娜眼內。
看到這樣子的Vincent和家嵐，兩人心裡也不好過。
可以選擇的話，Diana真的寧願看著他倆旁若無人的眉目傳情：
一個是老朋友兼上司，一個是可以信賴的戰友，
再事不關己，她真的不希望被這種陌生的冷空氣圍著。
俊也情願忍冷，聽著Vincent對著企問說的綿綿情話：
如果不是Vincent當初的賞識和家嵐的支持，
自己能這麼快跟職位權力的差距說再見，跟公主雙宿雙棲嗎？
想到這裡，俊情不自禁的在桌底下牽起公主的小手，
而公主也把俊記的大手緊緊的回握著，
像是在告訴對方： 一切會好起來的 -
要是這兩個人相愛，加上我們和本少設計的幸福大作戰，
他們會好起來的，就像我倆一樣。
Chapter 15 - The Truth Behind the Clouds
Vincent：（目無表情）阿俊，做乜叫我落黎canteen既？坐到咁偏僻...
俊：Vincent坐低先講。拿，幫你嗌架，齋啡。
Vincent：thank you. but... what's going on？
俊只是在微笑，沒有答覆，卻遞上了一隻連接了手提電話的耳筒。
Vincent疑惑的樣子，讓俊更是心急的用眼神鼓勵他去戴上。
這時傳入Vincent的左耳和俊的右耳的，是兩把熟得不能再熟悉的聲音。
Diana：激死... 今朝開會既時候條黃腳立又係度阻住地球轉！
家嵐：哦係咩？
Diana：黃家嵐其實頭先妳有冇黎到開會架？
家嵐：下？！頭先我咪坐妳隔離囉。
Diana：咁點解妳好似... 乜都唔知咁既？
（家嵐不語）定係妳...一直都望緊第二樣野先~？
家嵐：Diana... 我... 只係諗緊野姐。
Diana：冇見一個星期，Vincent瘦左好多呀可？
家嵐：... 嗯。
Diana：家嵐呀... 真係冇彎轉？
家嵐：如果咁做可以保護到佢既話，點解要轉彎？
Diana：妳真係覺得，咁樣係保護緊Vincent？
家嵐：Diana，我唔知妳明唔明... 我只係唔想Vincent好似阿堅咁，因為愛我而連自己條命都唔要...
聽到這裡，天知道被安排「光明正大」偷聽的Vincent心裡是多麼錯愕和激動。
把所有兩個星期內發生的，還有剛剛得悉的綜合分析，大頭裡的烏雲都瞬間被撥開了。
家嵐沒有討厭自己！ 原來那只是一個用來分手的籍口！
而分手，是出自一個不想失去他的心態！
傻瓜！ 即使妳把我推得再遠，我仍然會選擇保護妳呀！
Vincent心裡低吼著。我... 已經別無它選了。
雖然Vincent沒有說話，但俊是非常肯定，老闆已經感覺好得多了。
隨著俊的手指俏俏顯示的方向，Vincent這才留意到兩位女仕正在一個不會注意到他倆的角落。
他沒有起身走過去的衝動。
與其說Vincent還沒從激動的心情平復下來，倒不如說因為他太清楚家嵐，太清楚後果。
只要這個時候言為信膽敢踏出一步，黃家嵐便會多後退兩步，這樣他還是永遠捉不到她的。
Diana：家嵐...（家嵐的電話響起）
家嵐：唔好意思呀。喂哲？ ...哦好呀。我而家過黎搵你一齊返屋企呀。嗯好喇拜拜。
（掛線）Sorry呀Diana，我要過聲藝搵個仔呀....
Diana：得喇，聽日返工見。
家嵐：嗯拜拜。（正想離去）啊！Diana...
Diana：唔？有咩問題？
家嵐：保守秘密。
Diana：啊？哦~ of coz。
家嵐：多謝妳。咁我走先喇。
當確定家嵐離開後，Vincent和俊才緩緩站起，走到Diana身邊。
Diana看到，Vincent的目光不曾離開過那個方向，
不再空洞的眼裡沒有憂愁，沒有憤怒，只有萬般關愛與憐惜。
Diana：走左喇仲望~
Vincent：嗯。
俊：雖然企問自己個心結未解得開，不過我地同本少有哂planning架喇。
（拍拍Vincent的肩膊） 放心喇Vincent，我地會幫你架。
Vincent：（感激）Thank you。
Diana：（表情多多）老細你唔係就咁一句多謝就算數呀？
話哂我為左幫你都背叛左家嵐對我既信任喎~ （俊忍不住笑了）
Vincent：如果真係可以解決到個問題，你地兩個結婚擺酒既洗費入哂我數！
俊：（興奮）多謝Vincent！！
Diana：（臉有點紅）邊個話嫁俾你架下？
俊：妳係冇話嫁俾我~ 不過我非文安娜不娶姐~！
Diana：你係咪跟得Vincent太多呀？面皮厚左咁多既？！（掐著俊的臉）
Vincent對著面前這對戀人，陪笑之餘，心裡也不禁多了一些盼望。
Chapter 16 - The Rain and the Umbrella
就在言為信仍然看著眼前的兩小無猜在打情罵俏的時候，
Doris全頭濕漉漉的走進canteen。
昌哥：（緊張）Doris做乜妳濕哂架？
Doris：頭先我出左去幫Helena買野，
明明差一條街就返到黎公司，點知個天無喇喇就落大雨...
昌哥：拿，用我條毛巾抹一抹，飲杯熱茶先喇。咁如果唔係好易冷病架...
Doris：（甜笑）唔該昌哥~
啊！家嵐不是剛離開嗎？
她好像...沒有雨傘！！！
這是Vincent唯一想到的事。
Vincent：昌哥你有冇把遮可以借俾我呀？
昌哥：細言生你可以拎擺係counter果把...
Vincent：唔該！
不等昌哥說完，Vincent便拿過雨傘往外衝。
他在大雨中向著聲藝的方向奔跑著。
惹人側目的是，明明這個男人手裡有傘，他卻沒有把傘打開。
被雨打著的Vincent只是一心想找到家嵐。
終於，在跑過兩個街口後，給他發現那個差不多全濕的身影。
Vincent：家嵐！
聲音都俾雨水掩蓋了，而且前面的人兒好像正在思考，並沒有聽見有人在呼喚她。
綠燈剛轉了紅燈之際，家嵐卻六神無主的要過馬路。
眼見一輛貨車差三個身位便要撞上家嵐，Vincent嚇得用力捉著她的手腕拉她回行人路，
卻剛好讓她跌進了自己的懷裡，順勢摟住了她。
這個曾經熟悉溫暖的避風巷讓家嵐呆住了。
雨沒有停過下來，而兩人的全身當然也濕透了。
首先回過神來的是Vincent，儘管他多不想放手。
他輕輕的放開了家嵐，然後把她拉到有瓦遮頭的位置。
Vincent：（溫柔）妳冇整親呀嘛？
家嵐只是搖搖頭。她看著眼前的男人，那個被她害得遍體鱗傷但還是對她溫柔的男人，
心裡的理念和計劃不禁有點動搖。
但是一向固執的家嵐，再次給她那歪曲了的理智暫且戰勝了。
家嵐：唔該你呀細言生。我趕時間，走先。
又是一個陌生而冰冷的稱呼。
要不是Vincent已經得悉計劃的背後，說不定自己會再次沒有靈魂的離開。
Vincent：等一等。
家嵐停了下來，轉過身對著這個毒癮一般的男人。
請快點讓我離開吧，家嵐心裡祈求。
Vincent也沒有多說話，他只是硬把雨傘塞到家嵐手中，多望了她幾眼，便冒雨跑回去。
Vincent應該也想不到，他的舉動再次讓家嵐呆站了在原地。
他... 知道他在幹甚麼嗎？！ 這... 值得嗎？？！
直至哲的來電才解開了家嵐的穴道，讓她繼續前往聲藝。
而回家的路程，她和她的寶貝兒子都沒有再被雨弄得更濕，全因為有著Vincent塞給她的傘子。
Chapter 17 - The Three Caballeros
放工後，三位知情人士都圍聚在言氏總裁的辦公室，看著面前那位頭髮還在滴水的男人。
本少：好彩我有多套衫係診所姐~ 你個Vincent呀，明知自己身體唔好仲要淋雨！
Vincent：Bro~ See？i'm fine~！唔好勞氣喇~（小孩子般撒嬌）
本少：（青B發牢騷式）邊有人拎把遮俾人自己反而濕哂？！
少爺仔我拜下你，你好好照顧自己喇！好彩老豆同文uncle飛左過美國姐...
俊：（笑）本少你唔好再哦Vincent喇，時間無多喇我地。
Diana：好喇好喇~ 而家係咪照計劃行事先？
Vincent：咩計劃呀？
Diana：你唔係諗住知道左家嵐做乜同你分手就算呀？
Vincent：Of coz not！但係... 一時間可以點喎？家嵐份人幾硬頸你地又唔係唔知...
本少：所以咪要你聽聽話話跟計劃去進行囉。
Vincent：Fine~ 咁即係點呢？
本少、俊、Diana：即係咁敢錦感咁敢錦感咁敢錦感... 之後就咁敢錦感咁敢錦感...
Vincent：What？！That may hurt her！
Diana：再係咁落去咪仲hurt！
Vincent：咁妳又知個plan會work？！
Diana：因為我係一個女人！（環著俊的手臂）我以一個識得點樣愛既女人既身份話你知，我地個plan實work！
本少：（眼看Vincent無言）OK一於咁話喇~
俊：Vincent你要信我地先得架嘛！
Vincent：我... 唉，我點會唔信你地呀？ 我只係唔想家嵐受傷姐...（另外三個人都帶同情的目光看著他）
Hey Dont look at me like that！咁而家邊個扮我partner呀？
本少：Diana？
Diana：邊呃到家嵐...
俊：唔... 咁樣睇... 應該都係Doris Helena 二選一喇。
突然，門外傳來手提電話鈴聲，俊一個箭步拉開了大門。
Vincent、本少和Diana都警覺地站了起來。
俊：Doris？（只見Doris一臉尷尬的揮手）點解妳會係度架？
Doris：我上黎係諗住擺低企問交帶落既野俾Vincent就走架喇...
Diana：家嵐好早就走左囉喎~ 你係度聽左好耐呢？
Doris：呃.... sorry呀Vincent、本少、Diana、裘生。
本少：（笑得非常高興）哦唔緊要！有人自動送上門要幫手。仲好唔駛煩~
Diana：Doris都好似唔係第一次扮呢個角色架囉可？熟手技工黎架喎~！
Vincent：咁就辛苦妳喇Doris！
被三劍俠和男主角硬逼上台的Doris，除了痛恨自己的八卦還有要「感激」阮文昌先生不適時的致電外，
她可以做的就只有乖乖的服從指示，跟他們合演這一場戲。
雖然是萬般不願意飾演這樣的角色，但要是能協助企問解開心結，犧牲點點，又怎捨得計較呢？
Chapter 18 - An "Ordinary Day" in Xing Advertising Company
終於，來到了星期五。
三劍俠宣佈，遊戲正式開始！
而Vincent和Doris，只希望能夠速戰速決。
（本少： 黎喇開波開波~！）
（Diana： Good show~！）
（Vincent： What the...）
（Doris： 搵D咁既野黎搞...）
（俊： 笑~）
11：00 am @ 形
彤：咳咳... 好似仲有成個鐘先至放lunch喎...
咁請問果邊三位男仕做乜野已經圍左係我地創作部呢邊呢？
哲：仲駛問~？好明顯就係蛇王喇！
Marco：我地呢D呢就叫休養生息~ 咁先會有好既工作效率架嘛！
吊頸呀，都要透透氣喇~！
Gary：咪係~ 長命功夫長命做！
勇少：況且，係佢地兩個離開工作範圍咋嘛！我仲坐係自己個位度~
Marco Gary：嘩兄弟乜你咁講野既？！（一人一邊大力按著勇少的肩膊）
勇少：講笑姐......
譚姑娘：阿哲，你上個星期claim既的士錢呀...
有時我都幾凳大言生同細言生可憐，要俾錢出糧養佢地呢D...
勇少：阿譚！你想講我地呢D... 咩呀？
樓華：等我幫佢講埋落去呀。你地呢D... 懶蟲。
Marco：啊你個樓華呀...
樓華：（例牌斜啤）點呀~？
Gary：... 有吉士我地欣賞你！
眾女：車~~~~~~
Lily：話時話呀，近排唔多覺Vincent落黎搵企問既？
欣： 又係喎... 平日朝早lunch臨放工都至少三次喇！今個禮拜一次都冇！
勇少：喂阿哲！你阿媽同Vincent... 唔係出左D咩問題呀？
阿哲和樓華你眼望我眼，齊齊回想起家嵐這兩星期的異常行為：
瘋狂做家務、經常沒胃口吃飯、差點穿著拖鞋出門上班、回到office就埋頭工作...
她卻總是拿睡得不好當籍口。
二人不禁擔心起來。
哲：點會呢~？！唔好亂講喇！！！
家嵐：（突然打開門）有冇人見過Doris呀？
顧著八卦的風塵三俠和那班美女都給家嵐的突然提問嚇了一跳，
只有彤彤很鎮定自然的答：Doris上左天堂呀，好似話細言生搵佢...
就在這時，電梯走廊出現了兩把快樂的談笑聲線，兩把眾人都熟悉不過的聲線...
Doris：頭先真係好彩你係度咋...
Vincent：哈哈，你呀，生人唔生膽，驚隻細你幾百倍既cockroach...
最好笑就係阿俊都陪你一齊企上梳化一齊驚...哈哈哈哈哈~
Doris：（輕微的撒嬌）咦呀~ 夠喇你~！
Vincent：好喇好喇唔笑喇... 咁一陣lunch我落黎接你去食飯喇好冇？
Doris：好喇。
Doris走進形，只見那班同事慣性的圍在一起，
與平日不同的，是每個人都用著一些奇怪的眼神看著自己。
而家嵐則表情複雜的站了在她office的門口位置。
Doris：企問？妳冇野呀嘛？！
家嵐：啊。（清醒，強顏歡笑）冇事。
Doris呀，麻煩妳俾李生零卦瘋果份proposal俾我呀。
Doris：冇問題。
把剛才所有情節都收於眼內，一班「形」人面面相覤，
個個均驚嚇得出了一身冷汗，尤其是哲、樓華，還有彤彤。
Diana：而家係唔係唔駛做呀？
公主出招，眾人雞飛狗走。
縱使眾同事歸位，但他們的心仍重播著剛才的一幕，想知道現在是怎麼一回事。
就這樣，大家都忽略了，公主臉上那一抹得逞了的微笑。
Chapter 19 - Three Dimension
2：00 pm @ 形
午飯過後，形人們全都躲在茶水間，繼續談論剛才在canteen上演的戲碼。
欣欣：嘩你地見唔見到呀，細言生同Doris撐台腳大聲講細聲笑呀！
勇少：所以話呢你地D女人真係，睇野講野唔該講重點喇！
頭先Doris幫Vincent抹嘴角，阿Vincent仲捉住Doris隻手好溫柔咁講thankyou呀！
Candy：仲有呀，細言生話今晚放工黎接Doris去果間出名浪漫既伊莎餐廳食飯呀！Doris今鋪執到寶喇~！
一哥：唉你地就睇得開心喇...可憐企問一個人咋！
頭先我坐企問隔離，完全感覺到咩叫眼淚在心裡流，對人歡笑背人愁呀！
Gary：錯！唔止一個人！！！
Lily：你講咩呀？仲有邊個呀？
Marco：家姐，算罷喇！我俾多幾對眼你你都係留意唔到架喇！
（被Lily打）昌哥呀，幾次送錯野食喇！
Candy：唉，昌哥仲要serve佢地兩個喎！真係眼冤！
譚姑娘：啊你地話呢，Doris同細言生幾時一齊啊拿？之前都冇D先兆既...
Gary：係囉~ 有乜理由企問同Vincent會散呢？
樓華：簡直離奇過x-file。大家呢度講呢度散喇... 唔好係企問阿哲昌哥面前講咁多！
勇少：咁梗係喇！
彤：你係先好講呀，最驚你把口疏咋！！！
勇少：放心喇！我都唔想企問唔開心，話哂佢係我地形既家長呀嘛~
（Marco Gary點頭贊同）話時話，阿哲呢？
彤：佢入左企問房...
-----
@ Vincent's office
本少：場戲幾成功呀~！
Diana：係Vincent就生硬左D...
Vincent：（生氣）你地叫我對住一個唔係家嵐既人點講得出果D對白啫~？
本少：嘩~ 一個有花花公子底既人講呢句，說服力都幾低喎~
Vincent：（抓狂）BRO！
Doris：算喇本少，Vincent頭先已經好過綵排果時好多架喇！
之前我同個機械人對戲冇分別...（大家都在笑）
Vincent：Oh that's enough！！！（不安） Diana，妳真係覺得咁會work？
Diana：就咁呢就梗係唔work喇...（Vincent碌大隻眼）加埋有人鬧醒家嵐就會work喇~！
Vincent：Who？（Diana只笑不語）
俊：Diana，佢到左喇。
Diana：Good！Vincent總之你照返我地個plan做就得架喇！俊，我地去接佢咯~
俊：（笑）OK！
Vincent：Bro，即係點呀？And who is that？
本少只是笑著答了一句：God knows，便和Doris一起離開，回到工作崗位去。
淨下一頭霧水的Vincent，邊猜想那個人的身份，邊擔心著家嵐的反應。
-----
@企問房，哲看著面前裝正常的家嵐，很疼心。
哲：媽，妳同Vincent...
家嵐：（平淡的）... 分開左一段時間喇。
哲：係咪佢對妳唔住？唔通... 因為Doris？
家嵐：唔係架哲。分手係我個人意願，Vincent冇做錯野。而佢同Doris，我都係岩岩至知。
哲：媽，咁點解要分手？
家嵐：... 哲呀，可唔可以唔好問？
哲：（不想勉強）...哦。咁我返出去做野先喇。有野就搵我喇媽。
家嵐：好。乖仔。
在哲到外面後，家嵐不禁舒一口氣。
剛才的lunchtime，家嵐即使只吃了幾口白飯，她還是感覺到既酸又甜，還帶點甘苦。
甜，因為Vincent好像已經回復正常了，還再次投入生活當中；
酸，是因為那個令他快樂起來的不是自己，而是Doris；
苦，是因為知道自己不會再逗留在他的最佳位置。
家嵐的確很呷醋，但她明白自己沒有資格。
是她把Vincent拱手相讓出去的，是她自己動手把心臟取出來送予別人的。
家嵐心痛的想，Doris，應該會是個好主人吧。
Doris：企問... 企問！
家嵐：啊！（看到Doris，嚇了一跳）
Doris：企問妳冇事呀嘛？
家嵐：冇... 冇事。我諗緊野姐。
Doris：哦。企問呀，有位客人想見妳。
家嵐：邊個黎架？
這時，有位女仕走進家office。
玉：黃家嵐，妳幾好呀嘛？
家嵐：（愕然）...黎太？
Chapter 20 - Awakening of Our Sleeping Beauty
原來龐如玉公司的新樓盤廣告正打算和形合作，這次到來為的就是跟Diana簽合約。
而她，亦是言為本心思熟慮後特地專誠請來罵人的。
原本三劍俠想過，掌門人會否更適合這個角色。
Diana：伍師父知道既話，難保陸哲樓華會唔知喎。
俊：而且伍師父同大言生成日都會有聯絡...
本少：（怕怕）咁諗都唔好再諗搵掌門人！
-----
家嵐：黎太，希望今次會同你真正咁合作愉快！
玉：我都希望。係呀唔好叫我黎太喇，我下個月會同我未婚夫結婚。
家嵐：啊？！恭喜妳呀~！
玉：多謝。咁妳呢？ 妳幾時同隻大頭蜜蜂拉埋呀？
聽到龐如玉提起Vincent，家嵐露出了黯然無助的神色。
玉：（明知故問） 妳同言為信... 唔係有D咩事呀嘛？
家嵐徐徐的把事情的始末都說了一遍，由那件意外，分手的籍口，到Vincent跟Doris拍拖的事。
的而且確，家嵐很需要聽她訴說的耳朵，更需要清醒客觀的腦袋。
眼淚不知不覺的隨著故事發展，從眼框溜了出來。
玉：估唔到妳會咁對言為信。
家嵐：其實我都唔知自己想點... 我愛Vincent，但係理智話俾我聽，我同佢一齊只會係害左佢！
玉：黃家嵐，我發覺...原來經過陸堅既事之後，妳仲未學識點樣去愛人！（大聲，有點生氣）
家嵐：（呆望對方）...你覺得我咁做係錯？
玉：（嚴肅的教訓）黃家嵐，答我一個問題：如果言為信係下一分鐘會死，妳會做D咩？
家嵐：... 我... 當然希望可以係佢身邊... 不過呢個係我自私既決擇...
我只係想佢開開心心咁過埋呢一分鐘。
玉：咁如果我話，可以令佢開心既人，只有妳呢？妳仲會唔會推開佢呀？
家嵐：我.......（含淚搖頭）
玉：記唔記得當年點解陸堅會出事？！？！
家嵐：我永遠都唔會忘記...
玉：可能當時妳最錯既，唔係妳既任性，唔係妳發陸堅脾氣，而係妳選擇離開陸堅！
家嵐沒有說話，只是默默流淚。
她開始明白龐如玉想說的道理。
很簡單的道理，一直被自己雙手蒙蔽的道理。
不知何時，窮巷裡出現了道天梯。
玉：人既生命可以好短暫，冇人會知道自己個心幾時唔跳，幾時冇左呼吸。
愛一個人，其實諗簡單D，只係需要係呢段時間入面令對方健康快樂。
係，愛既人離開係好傷心，正如阿堅既死都影響左我地兩個好耐。
但係我相信，如果有珍惜大家一齊既時光，遺憾都唔會咁大。
就好似如果當年阿堅死既時候，妳係佢身邊，或者妳就唔駛自責十九年。
從天梯上，家嵐逃出了那個陰暗的角落。
終於，回到一片光明的思路。
清新的空氣，悅耳的笑聲，彩色的世界。
然而，自己好像已醒覺得太遲。
玉：（平靜的繼續）陸堅返去上帝身邊既同時，派左一位天使俾佢既一生中最愛。
呢位天使，一直用雙倍既愛黎守護妳，而佢唔理身世不問報酬，只係想見到黃家嵐健康快樂。
（誠懇的看著家嵐）黃家嵐，我冇辦法改變結果，只不過用正確既態度去面對，對妳對言為信都會好過D。
家嵐：（微笑中帶淚）多謝妳。
玉：唔駛。我都係時候走喇，我下次上黎拎張請帖俾妳~
家嵐：我一定到。我送你出去撘lift呀。
賢：（在形門口） 咦傾完野喇？
玉：（驚喜） 點解你會黎既？
賢：黎接你呀嘛~
家嵐：（驚訝） Dr. Chan？
賢：HI 黃家嵐~
家嵐：恭喜你地喎~
賢：多謝~ 到時早D到喎~（家嵐點頭微笑）
啊係呀，黃家嵐呀，咩事都好，隨心走喇，妳就會知道應該點行。
家嵐：嗯，多謝你地。
雖然看似大局已定，家嵐仍為想通了感到輕鬆。
既然Vincent已經和Doris在一起，這時才破壞自己的計劃已變得多餘。
就樣我們繼續這樣下去吧。
我願意默默送上最衷心的祝福。
只要Vincent感到快樂！
沒有留言:
張貼留言