Chapter 21 - Dating？
Vincent坐在自己的office內，一言不發的對著電腦屏幕。
由lunch meeting後開始，他的擔憂久久不能平復下來，手頭上的工作更是令他感到非常煩躁。
究竟誰擔當了醜人罵人的角色？
家嵐那邊還好嗎？
計劃會成功嗎？
會傷害到家嵐嗎？
我們... 能繼續走下去嗎？
太多太多沒有把握的問題，讓言為信那個原本已經較大的頭顱更顯得沉重。
要是計劃失敗，怎麼辦？
後路一直都在，不是嗎？ 隱形人這個位置，一個為家嵐而活的位置。
Bro、俊、Diana、Doris，幾位付出得更多的人，該比他更失望吧。
這個時候，背景白淨的電腦桌面顯示了一個小小的視窗。
「你有一封來自Doris的郵件。要現在檢閱嗎？」
即使不把email開啟，Vincent已經明暸它的意義。
他按下「是」。果然：it's time to play our finale。
Vincent深深的吸了一大口氣，然後慢慢把氣呼出。
他穿好西裝外套，把桌面兩條一模一樣的鑰匙放進口袋，
跟門外的俊交換了個眼神，便隻身走到七樓形去。
5：30 pm @ 形
平日極熱鬧充滿活力的形，這刻非常冷清。
哇鬼們早早跑光，只剩下三位辦公室女強人：Diana、Doris、家嵐。
原本哲是很希望留下來陪媽媽回家去的，
卻約好了要跟彤彤到上官鳳家吃晚飯，只好不情不願的跟家嵐道別。
家嵐：傻仔黎既~ 唔好咁既樣喇~ 乖！ 快D行喇唔好要彤彤等你呀~！
這時正在把自己的咖啡杯在清水下沖乾淨的家嵐也差不多準備離開公司。
從茶水間走出來，收入眼簾的卻是站在Doris桌前、那個高大的背影。
家嵐心痛但仍貪婪的注視著這個屬於Vincent的背面，直至聽到高跟鞋的咯咯響聲。
言為信馬上轉了身子，面向高跟鞋聲傳來的方向。
Vincent：Hi Diana~ 咦而家先走既？我放左阿俊走好耐喇喎~
Diana：（笑）關你咩事呢~？你等你個Doris喇！聽講你地今晚去伊莎喎~
Vincent：Yes！羡慕呀？（Doris笑著拍了他一下）
Diana：（沒好氣） 係呀好羡慕呀~~~~
（其實已經留意到家嵐很久）家嵐，走得未呀~？兜埋妳呀？
家嵐：啊好呀！
跑回office拿起手袋就跟Diana一起走出形，家嵐有點慶幸能夠逃離那個讓她窒息心酸的空間。
Doris：企問！
家嵐：做乜事呀Doris？
Doris：Vincent佢... 請我將呢一樣野交俾妳。
看到企問白了一截的臉色，Doris覺得更尷尬了。
家嵐緩緩的伸出手把它接過，然後緊緊的握在拳頭裡。
隨著一句「唔該哂」，家嵐和Diana便閃進了電梯中。
門，終於關上了。
Vincent這才從暗角裡走出來。
Doris：（舒一口氣）完喇...
Vincent：Yea...
Doris：咁而家.....？
Vincent：等電話。
Doris：哦。
沉默的等待。這段時間好比一輩子漫長。
其實剛才在形，Vincent就知道家嵐在後面望著他，從Doris通風報信的口形中得悉。
心甜。
可是現在Vincent的腦海裡只剩下家嵐一下子刷白了的臉兒。
心痛。
上司兄長緊張的心情也惹得旁邊的Doris心煩氣躁。
兩人心裡不約而同祈求著：Bro/本少、俊/裘生、Diana，拜託你們一定要猜得中呀！
不知過了多少個世紀，電話終於響起。
Vincent：（非常焦急）點呀俊？
俊：（興奮）冇問題喇Vincent！你地可以過黎喇！
Vincent：（激動得不知道要說什麼了）...... thanks god！
Diana：（從旁大叫）都話感情事要相信女人既直覺架喇！！！
俊：本少係你地樓下架喇！Vincent快D喇！
Vincent：OK！
Doris：（如釋重負）咁我地落樓咯！
Vincent：未得！你上車等，我去一轉canteen先！
Doris：下？！
Chapter 22 - His Key Her Key
@ 停車場
裘俊在接收到Vincent離開office時的眼神後就到這裡standby了。
坐在司機位置的俊，心情不禁有點緊張。
他並不是對Diana的計劃和猜測沒有信心，說真的，信心絕對爆棚。
只是萬一有甚麼差池的話...
俊不敢再想下去。
隔了沒多久，Diana和黃家嵐便來到了停車場並上了車，俊迅速駛離了言氏大廈。
家嵐從上車的那一刻起，目光沒有離開過攤在掌心的東西。
那根本來屬於言為信的鑰匙。
還記得就在她從陸堅之旅回來後的某一晚，與掌門人吃飯後在她的房間裡，
他鬼鬼祟祟的叫她伸出手來，然後把一根結了粉紅色蝴蝶結的鑰匙放在她的手心。
家嵐：鎖匙？
Vincent：仲記唔記得妳本來租左黎住果間屋呀？
家嵐：即係後尾你離家出走住果間？
Vincent：嗯~ 我買左果度呀。（出示另外一根綁著藍色蝴蝶結的鑰匙）
家嵐：咁...（拿著那根鑰匙）你咩意思呀？
Vincent：果間屋，對我地兩個黎講，實在有好多意義。所以我希望果度會係只屬於我地既地方。
（認真） I hope, and i wholeheartedly hope, 妳會係呢間屋既女主人。
家嵐：（心甜）Vincent...
Vincent：（緊張）咁妳即係肯唔肯呀？
家嵐：（笑）嗯~
Vincent：（擁著家嵐）好野~！（過了半分鐘）不過其實諗諗下呢... 妳都冇得say no...
家嵐不解的望著他。
Vincent：因為...（裝無辜的笑）個單位我寫左妳個名囉！
家嵐：言為信你好奸呀！！！！（又是一場小孩子打鬧）
-----
他現在把這個給自己，是因為他不再需要它。
他不再需要，這條鑰匙，來進入那個曾屬於我倆的一個老地方。
就在家嵐從Doris手上接過這根結了藍絲帶的鑰匙那刻起，
家嵐覺得所有自己跟Vincent之間的連繫都被切個了斷。
這不就是自己一開始就想達到的目標嗎？
怎麼現在成功了，卻高興不起來？
強忍著眼淚，握緊那根鑰匙，家嵐繼續在後坐一聲不響。
前坐的俊娜儘管看得很心酸，但他們明白，作戰進入尾聲了，絕不能心軟叫前功盡廢！
俊輕輕捉住了公主的小手示意。
Diana：家嵐！（家嵐望著她）我地送妳返屋企好冇？
家嵐：（深呼吸）唔好意思呀，Diana。你地可唔可以...
兜我去之前Vincent離家出走住果度？我想去... 執野。
Diana：（心裡叫bingo）哦好呀！俊，地址係......
俊：冇問題。
Diana在家嵐不為意的時候馬上sms本少。
瞄到愛人成功完成任務，俊悄悄的給了公主一個讚許的眼神，而公主亦握緊了他的手。
把家嵐安全送達目的地後，他們便知會了Vincent，
並繼續留守了在大廈外面，以確保Vincent到達以前家嵐不會離開。
Chapter 23 - It had to be you
Vincent衝入canteen，差點兒把田在山給撞到了。
田：嘩嘩嘩細言生，小心小心...
Vincent：（還在喘氣）sorry... sorry 呀田長老...
田：唔知細言生咁趕落黎有咩事呢？
Vincent：（眼睛尋找中）昌哥... 昌哥係咪度呀？
昌：細言生你搵我？
Vincent：Yes！（望錶）昌哥你跟我黎呀！
昌：啊？細言生canteen未收工架喎...
Vincent：昌哥我而家唔夠時間同你解釋，Doris係樓下等緊我，總之你跟我黎喇...
昌：細言生，有咩可以遲D先講... 你唔好要Dor...（心酸）你女朋友等你喇！
Vincent： 你唔想佢等既就跟我落黎喇！
田在山及一班canteen的員工均傻眼的看著，
氣急敗壞的Vincent不顧形象硬扯著半情願跟著走的昌哥離開canteen。
兩個拖拖拉拉的大男人走到大廈正出口便看到本少的車子正在等候著。
昌：細言生你要帶我去邊呀？
Vincent：上車先講。（阮文昌無奈的進入後車廂，Vincent側到前座）Bro唔該開車。
Doris：（亦在後座）昌哥？Vincent你做咩拉左昌哥落黎既？
昌：係咯...（酸酸的）你地去拍拖喎... 做乜要我做電燈膽...
Doris：而家邊個去拍拖呀？
昌：（一臉當然的）唔係你同細言生咩......
Vincent：昌哥呀，其實今次我拉你出黎，就係想同你講，Doris唔係我女朋友...
昌：細言生你點可以咁架？！成公司都知你地拍拖，你而家又唔認Doris係你女朋友！
一句講哂： 你係鐘意Doris既就好好對佢喇！
Doris：昌哥你冷靜D呀！！！我同Vincent做戲咋！！！
昌：呢D野邊有得做戲架？係就係唔係就唔係！... 咪住，你話... 做戲？！
一直專心駕駛的本少忍不住笑了出來。
本： 哈哈...唔好意思呀。不過昌哥D反應真係... 哈哈~
Vincent同Doris冇拍拖呀！佢地做場戲俾家嵐睇咋~！
昌：（尷尬）哦... 對唔住呀細言生...
Vincent：Never mind~
Doris：你真係... 鬧人之前又唔問清楚...
昌：我驚你俾人呃呀嘛...
本：Doris都咁大個人喇，昌哥你都唔駛太擔心佢喎！
昌：呢層我知本少你講得岩，之不過我就係要見到佢冇事先會安心...
Vincent：wow Doris~ 昌哥既愛的宣言喎~！
Doris：（臉紅）昌哥你真係老實到近乎蠢架！
昌：咁... 你聰明咪得囉。
Doris：（笑）有關係咩...
本：（笑）喂我同Vincent仲係度架！
Vincent：（笑）咪係囉~ 你地係要sweet都幫我氹掂家嵐先喇~！
昌：其實呢... 發生左D咩事姐？
Vincent：Doris解釋俾你個昌哥聽喇~
Doris：咩我個昌哥呀？咁做乜你同本少唔講喎？！
本：俾個機會你地溝通溝通下呀嘛~！
從倒後鏡中看著兩個臉紅耳赤卻又曖昧甜蜜的笑容，言姓兩兄弟頓時笑得開懷。
同時Vincent只希望運氣能保佑他一直順利下去。
家嵐，家嵐，妳的隱形人現在趕過來了。
Chapter 24 - Love is a Losing Game
用手上那根本屬於他的鑰匙，打開這道連接曾經他和她的世界之大門，
家嵐走進這個單位，這個保存了很多他和她的記憶的地方。
曾經，每個星期，他和她總會有兩天或以上的私人時光在這裡渡過。
望著客廳中的雙人梳化，她看見言為信和黃家嵐互相依偎著看DVD：
看悲情片種，她總會看得淚流滿面而他總會把她擁入懷裡，讓她把眼淚鼻涕都印在他的衣服上；
看喜劇笑片，她總會大笑得前仆後碌，有時會大動作得撞上他的下巴，而他總是笑笑口的望著她的笑臉；
看兩人都喜愛的戰爭紀錄片，他總會在旁靜靜專心的聽著她的觀後感和獨特見解；
看鬼怪驚慄片，她總會在驚慌的片段時把頭埋在他的胸膛上，而他總會用指尖點點她的鼻頭，笑她又要怕又要看。
走進廚房，她記得言為信和黃家嵐曾在此一起煮飯仔。
某天Vincent突然要家嵐教他弄蛋糕，儘管最後他的俊臉都佈滿麵粉，
當家嵐說尚算合格的時候，他還是像小孩子一般笑了，
另加一副認真表情的說：我一定要學識整更多野食，儲肥黃家嵐！
及後他也真的經常跑去死纏田長老，要學煮她愛吃的。
田長老和掌門人對這個總裁的毅力是刮目相看的，因為就涼瓜炒蛋一碟菜他也練了足足兩個星期！
每次在旁邊看著他下廚實習新菜色也讓家嵐驚喜感動不已。
浴室理應是最私人的地方，他倆卻經常藉洗手刷牙為名在此玩水戰。
每次均是玩到對方半濕身，Vincent怕家嵐冷病而率先投降並著她趕快換衣服。
每次家嵐都會對他吐吐舌頭，然後拿著一條乾毛巾回來替他印乾臉上或頭髮上的水滴。
Vincent則會很專注的輕摟住並望著服侍他的愛人，甜甜的說一句：唔該老婆~
家嵐總會臉紅起來回一句：唔好亂咁嗌喎你~
終於，走到進睡房。
此刻的家嵐，經已淚眼濛濛。
每段和Vincent一起的回憶都成了一個鎚仔，
一下一下的把自己的心敲碎，碎片一塊一塊的沉進大海裡。
透過眼淚打量周圍，家嵐想起每次有甚麼不開心甚至他們鬥嘴吵架，
她總是慣性的躲進這個房間生悶氣或偷哭。
Vincent總是在冷靜過後第一時間衝進來摟著自己，
不斷不斷的道歉，接著便是一句又一句的安慰家嵐，
又或是告訴家嵐他有多麼愛她、不能失去她。
想到這裡家嵐再次跌坐了在床邊冰冷的地板上：
碎片不再下沉，只因為已經沒有東西能夠被敲碎；
不再感受到錐心之痛，只因為神經線已變得麻木。
家嵐不能自已的痛哭出聲。
然而她知道，這次不會出現奇蹟。
因為Vincent不會趕到她的身邊了。
Chapter 25 - Somewhere, belongs to us
Why...are you crying？
兩行淚痕清清楚楚掛在臉上的家嵐，聽到這句突然飄出的說話後，
馬上抬起頭，看到那個跪坐了在自己面前，開始為自己拭淚的男人，眼淚更是一發不可收拾。
家嵐：你... 你... 點入黎架？你唔係... 同Doris去伊... 伊莎食飯咩？
Vincent：發生再大既事都好，我都唔會俾妳自己一個匿埋喊。
家嵐：（發怒撥開Vincent的手）我地分左手架喇！你可唔可以唔好再對我咁好呀？！你都已經有Doris喇！
Vincent：妳唔係討厭我架咩？點解咁mind Doris？
家嵐：（崩潰）我係好討厭你！討厭有D咩事你都會唔要命咁黎救我！
討厭你約Doris食飯、討厭你會對住Doris笑、討厭你會捉住佢隻手...
我更加討厭自己... 點解會愛你！！
Vincent：... 可唔可以講多次最尾果句？
家嵐：（大嗌）而家唔關你事喇，你好好對Doris就夠！！
Vincent：（非常肯定的語氣）Doris唔係我女朋友。
家嵐：咁你點解做齊哂男朋友會做既野...
感覺到話語中的酸澀，Vincent不禁苦苦笑了笑，隨即把這個哭得眼腫，哭得叫他心痛的淚人兒摟進懷裡。
這次，即使天塌下來他也不會再放手了。
當家嵐發現自己又跌了入避風巷時呆了呆，心底裡已無力亦不願把Vincent推開。
家嵐：喂，答我呀！
Diana：（牽著俊的手出現在睡房門口）因為呢D係我地悉心安排俾黃家嵐小姐睇既special showing囉~
家嵐：（愕然）Diana？裘俊？本少？Doris... 仲有昌哥？
Doris：嘿嘿~ 真係唔做場大龍鳳都唔知道平時冷靜聰明既企問可以咁任性~
本：不過最估唔到呢，就係Vincent D戲咁屎，家嵐都信喎~
俊：（手臂環住了公主）所以話Diana個劇本寫得好~（與公主甜蜜對望）
家嵐：（尷尬）我... sorry ar Doris... （Doris笑著搖頭）
......言為信你又呃我！衰人黎架你！！！！！！！！
聽到這些家嵐狂鬧Vincent衰人的話語，其餘五人便已識趣叫撇。
本少用那根弟弟留給他的後備匙把大門鎖好，便跟著大隊離開大廈，
並暗暗祝福著那對小傻瓜，還有前面的兩對，有個美好的晚上。
Chapter 26 - Let's Misbehave
家嵐：（狂鎚Vincent的胸口）衰人！言為信正衰人！
Vincent：打夠未呢老婆大人~？
家嵐：（打得更賣力了）邊個要做你老婆呀？！ 衰人！！！！
別看家嵐弱質纖纖，在掌門人的傾力相授下她打人的力度可不能看小，尤其是現在火字當頭的時候！
Vincent唯有把這隻亂發脾氣的小貓摟得更緊，讓她不能出拳。
Vincent：好好好係我衰！我唔應該同佢地一齊做戲呃妳，對唔住...
家嵐：哼！
Vincent：都係因為我分搞到自己人唔似人鬼唔似鬼，bro佢地先忍唔住要幫我姐。唔好嬲喇~
家嵐想起自己的那個分手計劃，想起那段日子自己給Vincent造成的傷害，她就不能對Vincent生氣了。
越回想，家嵐越不敢相信自己竟然對深愛自己的人做得那麼殘忍啊！
像是要確認Vincent的存在，家嵐把小臉埋在他的懷抱裡，聞著屬於他的味道，聽著屬於他的心跳。
他倆的心，還是在狂亂沸騰的跳動，卻從沒有像這刻般靠近過。
Vincent體貼的把家嵐橫抱離冷冷的地磚，讓她坐在大床上，自己則坐到她身旁環著她。
家嵐：對唔住呀...
Vincent：（搖頭）我知妳係愛我先咁做。不過唔好再試喇，好痛...
而且妳點推走我，我仍然會妳身邊保護妳，因為我係言為信，一世屬於黃家嵐既隱形人。
家嵐：唔係呀~ 你唔單止係隱形人呀！龐如玉形容得好好：你係天使。
你係黃家嵐既專屬天使，邊個都唔可以搶走你，以後你只可以愛我寵我一個！
Vincent：（笑中有淚）傻豬~ 咁妳...仲憎唔憎我呀？
看著家嵐搖得像搖鼓的頭顱，Vincent是很高興很感動想說些甚麼的，但他的喉嚨似乎被許許多多的情緒堵住了。
原來平日肉麻成性、面皮幾丈厚的言為信，對著他最愛最愛的家嵐時，還是有說不出口的也說不完的愛意。
Vincent情不自禁的吻住了她柔軟的唇。
這樣的觸電感覺教兩顆心融合。家嵐臉紅紅的把手伸到Vincent的頸後，陶醉在這個久違的熱吻中。
用舌尖掃過並撬開家嵐的貝齒，熟悉的香甜衝斥著Vincent的口腔，
而家嵐亦熱切的探索著。房間裡的溫度隨著時間逐步升溫。
漸漸的，家嵐感覺到Vincent不安份的雙手不斷在她的身上放肆遊走。
家嵐：喂喂你想點呀？
Vincent：（裝無辜的笑著）妳都係時候慰藉下俾妳傷害左既心靈喇~（唇舌向頸部和漂亮鎖骨進攻）
家嵐：（害羞）喂喂你咁樣種士多啤梨法，聽日我咪要著樽領？
Vincent：放心聽日我幫妳請假~
家嵐：喂喂... （不幸地，嘴巴已被封死）
Chapter 27 - Chun's Princess！
大伙兒離開Vincent家嵐愛的小屋便互相道別。
不論成雙成對還是獨自快樂，也各有各精彩。
俊：（笑）公主而家想去邊呢~？
Diana：總之唔要返屋企休息~ 幫Vincent幫到兩個禮拜冇二人世界過喇~ 唔...不如行過去海旁呀~
俊：又好~！
Diana：我話去邊你都話好架喇~
俊：係架~ 只要同妳一齊，去地獄都得架！！
Diana：鬼同你去地獄呀！
俊：妳咪係果隻...（Diana裝咳了兩聲）咁妳鬼火咁靚呀嘛~！
Diana：哼~ 咪以為我就咁會放過你呀！
俊娜兩人牽著手一路打打鬧鬧，很快就來到海旁。
走著走著，一首熟悉的童謠在空氣中散播，四周的人都向著音符源頭移動。
Diana：俊~~~
俊：（笑）我過去排隊買喇，妳係度等我。唔好亂咁走開呀！
Diana：（甜甜的笑）嗯~
看著俊前往雪糕車方向的背影，
Diana想起曾幾何時的自己是多麼渴望能擁有這樣一個會送她BB熊會拉著她的手買她雪糕的父親。
失望久了，自己都經已強裝獅子到以為自己都不在乎的時候，這隻魯莽的BB熊卻闖進了她的領域。
這隻BB熊，憑他的傻勁忠誠，贏得了獅子的信任，溶化了那道堅固的冰牆，溫暖了落難公主的心。
她不禁感動：原來當被俊捧在手心呵護的Diana，比起能成為文子祥女兒的文安娜，更像一個公主。
一位被愛包圍的公主！
俊：（拿著一杯軟雪糕回來）Diana~
Diana：咦你唔食呀？（說罷便輕舔了一口軟雪糕）
俊：望住妳食咪夠哂甜咯~
Diana：哈你呀~ 我仲以為係你食左肉麻兩隻字而家飽哂添~
俊：（望著Diana的食相在笑）咁妳係咪請我食呀？！
Diana：（不為所以把雪糕遞給俊）拿~
出乎她意料的，俊并沒有吃那杯軟雪糕，反而膽大包天的去舔她嘴角的奶白雪糕溶液。
公主碌大了她那雙黑白分明的眼眸，一時間不懂得作出任何反應，
於是便紅了臉轉過身面對大海默默的把軟雪糕吃完，俊從後摟著她。
俊：入夜喇，開始大風，凍唔凍呀妳？ 妳又岩岩食完雪糕...
Diana：（甜笑著轉過身）有王子攬住既公主，一D都唔凍！
俊：多謝妳，我既公主。
風越來越大，俊王子和安娜公主把對方擁得更緊。
只要我們兩人在一起，再大的風雨，還是會平安過渡。
到最後，還是能牽著手邁向屬於我倆的晴天。
因為有你/妳。
Chapter 28 - Choosy Lover
本少把他那米杏色的座駕隨便泊在一處便周圍遊盪著。
可以做的都已經完成了，Vincent那小子該已哄掂家嵐了吧。求神拜佛一定要！言為本心裡祈求。
老豆和文uncle後天便要回來了，他可不想被質問，事後還有可能要照顧那位一火爆就病發的病人呀！
雖然知道還是會被老豆冷嘲熱諷，說甚麼「Vincent睇個樣都就結得婚喇！ 你呢個大佬知唔知醜？！」
本少很清楚爸爸有多恨喝新抱茶。
但是，即使會被斥責不孝順還是想說一句：很煩呀他難道隨手拉一個女人回家交差嗎？
要不是怕爸爸心臟受不了刺激，或是自己還是那個廿來歲的黃毛小子，
他早就會找來一個同性密友來裝同性戀者，好叫大言生死心別再囉唆了。
一輪亂逛途中，言為本看到前面行人路有一群小孩子逐個逐個從校van上跳下來。
穿著迷你校服，背著小書包，兩人兩人的排著隊跟住前面那位婦人回到幼稚園。
他們該是剛參觀完或剛到甚麼地方旅行吧。
望著每張天真瀾漫的樣子，毫無機心的笑臉兒，言為本羨慕得不得了。
突然有個看樣子大學畢業多久的女生，大概是一隻手拖著一個小女孩另一隻手拿著太多東西，
下車時失平衡摔了一跤，人連數袋東西都滾跌到地上去了。
言為本抱著醫者父母心的精神，馬上衝上前幫忙。
女孩：（嚇壞）Miss Miss妳點呀痛唔痛呀~？
本：小姐妳冇事呀嘛？（把她扶起）
女生：（微微一笑）啊！冇事呀。唔該哂你。
（對著小女孩笑）鈴鈴乖~ Miss冇事~ 妳乖乖地返入去先喇~！Miss執埋D野就跟住黎！
鈴：嗯~！（跑回幼稚園裡去）
本：小姐妳條牛仔褲膝頭哥位置有D血滲出黎喎...
女生：咦？？（鄒著眉頭）痛.......
本：妳見點呀？不如我扶妳入去同妳睇下喇。
女生：下？喔小小傷姐，唔駛麻煩先生你喇...
本：（微笑）唔麻煩。而且我係醫生黎架，唔駛驚我會亂咁處理妳個傷口喎~
女生：（笑）嗯，唔該你。
言氏大太子雖然飽閱美女無數，但當本少望著眼前女生的笑容，心裡有種說不出的感覺。
本來就年輕甜美的樣貌，還有一雙漂亮的眼睛，不用問已經猜到是很多人追求的類型。
笑，一向是最佳的美容化妝品。更何況是不失童真，讓人能看到希望的一個笑臉？
女生：真係多謝哂你呀！要幫我包紮膝頭，又要執返好咁多袋野，仲要你車我返屋企...
本：真係唔駛喎~ 橫掂我得閒姐。
女生：但係你都唔識我，都幫我做咁多野...
本：妳夠唔識我喇，妳咪又上左我車~（笑）
女生：又係喎~（傻笑）我叫程小雪，多數朋友都係嗌我小雪。我係頭先果間幼稚園新請既老師。
本：妳好！我叫言為本，係言氏大廈有一間診所。
雪：你... 係言氏既大公子？
本：（驚喜）妳點知架？
雪：我聽我朋友 Doris同Helena講過囉~ 佢地成日都話大公子對人好好不過...
本：（好奇）不過咩呀？
雪：我講出黎你唔好嬲喎。（本少點頭）佢地話你冇女朋友又唔好女色，懷疑你可能係基...
本：哈哈哈哈哈（笑不停）Doris同Helena呢兩個十三點... 哈哈哈哈~
雪：你咁既反應即係... 係唔係呀？
本：妳都... 問得幾唔客氣喎！
雪：（尷尬）對唔住... 你唔想答就當我冇問過喇！
本：妳到喇。
雪：哦。今日真係唔該哂你呀！（下車，準備上樓）
很可愛很純真的一個女孩。
即使是對著陌生人還是她的學生小朋友，她都不會吝嗇的用笑容把溫暖送贈。
本少說不出原因，但就是有種好想保護她的一種感覺。
本：喂！（雪回過頭）我想話呢... 我鐘意女人架。不過... 我唔係笠亂識女仔同俾女仔坐我車。
雪：（天真的笑）哦~ 原來你唔係基既~ 哈哈~ 走先喇下次見byebye~
她好像... 沒有聽得懂我的話中帶話呢。
言為本卻一點失望也沒有，還整晚也掛著一個真心的笑容。
這個程小雪。
只要想著她的笑臉，就能讓所有煩惱從言為本腦海中消散的女生。
Chapter 29 - To Be Or Not to Be
自從離開家嵐Vincent的家後，Doris和阮文昌再沒有跟對方說過一句話。
儘管走著同一條路，中間隔著大概一個身位，
但他倆各有各低頭沉思著，卻不約而同的想著一樣的事情。
昌：呢層我知本少你講得岩，之不過我就係要見到佢冇事先會安心...
Doris：（臉紅）昌哥你真係老實到近乎蠢架！
昌：咁... 你聰明咪得囉。
Doris：（笑）有關係咩...
他... 為甚麼要這樣說？
把我說成一個小女孩不懂照顧自己似的...
雖然，他的確比我自己，更懂得照顧Doris這個人...
她... 為甚麼會這樣說？
是我真的太笨惹她反感了嗎？
還是... 仍然高攀不起她嗎？
來到當天裝肚子痛為求阻止阮文昌赴文承君約的那個碼頭，
Doris停低了步伐，而昌哥亦只是默默站到她的身邊。
由冤家天敵，同事朋友，到紅顏知己，再到他向她表白到她拒絕了，
兩人就一直維持在友達以上戀人未滿的階段。
記得當初自己怎樣想把這個男人趕盡殺絕，Doris突然笑了出聲。
昌：做乜冇端端係度笑呀？今日未食藥呀？
Doris：唔係呀！諗返起果時我想執左你個中菜廳、要你六（淥）碗麵但係淨係俾一碗錢...
昌：（笑）估唔到妳仲記得... 真係不打不相識呀可~？我還支唇膏俾妳，妳又送左隻錶俾我... 後黎仲要妳幫我執屋...
Doris：咁你無論係生活、工作方面亦或係錢果方面都幫左我好多喇~ 數黎數去，你好似漏左我地一齊俾人打劫果單...
昌：俾人剝光豬好興香咩~？而且果次個結局都真係幾尷尬...
再次沉默。
看著這個女子，阮文昌已經不知道可以說些甚麼。
是她，教曉自己如何忘記不快的事情...
[每個人的腦袋裡都有一個開關，一按下去，所有不開心的事都會不記得了~ 你試試看~ 要嘟一聲的啊~]
是她，會對每個人、對他都細心得設法減少將會面對的困難...
[（對Queenie） 昌哥當住家男都是為了幫你，我希望你可以念在他曾幫你而別令他這麼傷心，可以嗎？]
是她，令他知道，甚麼是快樂...
[（最漂亮的笑容） 我陪你遊lift河呀~！]
如果可以的話，阮文昌只想把他一輩子的幸褔都送給她。
昌：Doris呀，其實妳知唔知道... 點解細言生要同我解釋成件事呀？
Doris呆住了。這是由始至終她也沒有想及的一個問題。
她甚至從來沒有想過，要跟昌哥解釋關於這個任務的一切。
她跟他，甚麼都不是，不是嗎？
昌：有冇人同妳講過，果日妳同細言生撐台腳，我送錯哂D野食？
（看到Doris吃驚睜大了眼睛）連細言生平時要開既齋啡，我都遊魂咁俾左熱檸茶佢...
Doris：（細聲）我冇留意到呀，我果時淨係掛住驚會穿煲...
昌：山哥問過我做乜會心不在弦，妳想唔想知道我點答佢？
（Doris還是專心的望著他）我答佢 - 因為我見到妳同第二個男人一齊，個心叱住叱住，好唔舒服。
Doris：昌哥...
昌：Doris呀，我知道我只係一條爛牛仔褲，唔能夠俾D咩榮華富貴既生活俾妳...
但係我希望妳可以俾一次機會我，俾我照顧妳一世。
Doris：（感動但仍在掙扎）我前夫... 都好似曾經講過類似既說話...
昌：（堅定的拿起Doris的手）我可以對天發誓，我阮文昌只要捉實左呢一隻手，呢一世... 我都唔會再放開。
Doris，我好想可以每日每夜都煮飯俾妳食。（深呼吸）我衷心希望，我可以永遠係妳身邊做妳既依靠！
Doris：（淚在眼框打轉，但笑了）... 我好易盪失路架。
昌：（不明所以）下？
Doris：（笑）所以... 拖實我呀！
阮文昌沒有再說話，只是緊緊握住Doris纖細的手露出了一個最燦爛的笑容。
而這個笑容，是Doris見過的笑容裡面，最真誠最溫暖的一個。
Chapter 30 – Naked
翌日中午，床上仍然躺著情事過後還在沉沉睡覺的兩個人。
女的把頭枕在男方寬闊的胸膛上，帶著緋紅微笑的睡顏，在訴說她的安心；
男子的雙臂一直纏繞在愛人的纖腰，沒有絲毫要放開的意思，臉上的笑容顯示著他的滿足。
家嵐首先醒了過來，感覺到的，是耳邊傳來的沉厚心跳。
睜開眼睛，視察著周圍的一切，昨晚的片段便開始逐格在腦海中重播。
家嵐的臉兒瞬間變成了紅通通甜美多汁的蘋果。
雙手輕撫著Vincent的臉龐，他是真的消瘦了憔悴了很多。
這個傻佬，有好好休息好好吃東西嗎？
家嵐：（心疼）對唔住啊...
看著他現在睡得正甜的模樣，家嵐想，這應該是他這陣子睡得最香的一次。
像是感受到溫柔的撫摸，Vincent張開了眼睛。
面前的人，這不就是自己朝思暮想、用生命去愛的人嗎？
捉著她正捧著自己的臉的手，送到自己的唇邊印上一吻。
望見家嵐甜甜羞羞的笑，Vincent把她的手用力按在自己的左胸膛上。
Vincent：this belongs to you... 我拎唔返黎係架喇。
言為信對人一向紳士。
認真溫柔裡帶點無賴霸道，是專屬家嵐的一面。
Vincent：下次... 唔係... 如果有一日，妳真係唔要我既話，妳唔駛同我講分手架...
家嵐不解，但還是感受到自己的心在為眼前的人在淌血。
Vincent吸了一大口氣。
Vincent：妳要做既... 係用一把利刀，瞄準依個位置插過去。
（苦笑）言為信絕對唔會反抗，只要果個係妳，黃家嵐。
家嵐：Vincent，sorry... Vincent...
家嵐在感動的同時，亦被他的比喻嚇壞了，淚還是淌了下來。
Vincent緊緊的把她摟住，伸出一隻手抹走她的眼淚。
Vincent：對唔住啊家嵐... 我知道咁樣係好自私... 但係我放唔到手...
家嵐只能在他的懷裡默默點頭。
Vincent不斷上下輕掃她的背，閉著眼睛埋頭享受著屬於家嵐的髮香。
家嵐：Vincent...
Vincent：嗯？
家嵐：（淚眼間露出最迷人的微笑）應承我，就算有一日放到手，都會攬實我唔放開。
Vincent：家嵐...
家嵐：...我愛你。
說罷便主動的把唇獻給那個還在感動的男人，自己的專屬天使。
Vincent的確高興得呆了，然而很快便奪回主動權。
從起初溫柔小心奕奕的輕啄，到教人淪陷的深吻，兩人透過每個接觸，把濃情愛意都告訴對方。
由家嵐那微腫的唇滑下去，Vincent的嘴一直在追索著昨晚留下的吻痕。
抵擋不住Vincent有意的挑逗，家嵐也不禁開始輕喘呻吟。
Vincent：（喘氣）有冇興趣... 黎多次？
結果在一些有意義的回覆能被家嵐吐出前，已給悅耳的樂章取代了。
沒有留言:
張貼留言